Што такое «Торба Шоу»?
«Торба Шоу» – гэта адукацыйна-рукатворчы праект, у рамках якога мы ўвасабляем тры справы:

- робім майстар-класы, на якіх можна навучыцца шыць (экаторбы) і жыць (у экастылі)
- прымаем непатрэбную тканіну ў насельніцтва, ператвараем яе ў экаторбы і прадаем іх.
- вырабляем якасныя карпаратыўныя экаторбы для мерапрыемстваў.



Навошта патрэбна «Торба Шоу»?

Наша мэта – распавесці пра непапраўляльную шкоду ад пластыкавых пакетаў, прапанаваць слушнае рашэнне гэтай праблемы і ў выніку – максімальна скараціць ужыванне аднаразовага пластыку, зрабіўшы экаторбы стылёвым і модным аксэсуарам.
Майстар-класы
На майстар-класах мы абмяркоўваем, чаму браць бясплатныя пакеты ў 2018 – амаль злачынства, і вучымся шыць стылёвыя экаторбы, здольныя замяніць пластыкавую тару на наступныя некалькі год. Мы прапануем усе матэрыялы, неабходныя для стварэння торбы, але гэта не галоўнае! Адмыслова для «Торба Шоу» мы распрацавалі тэхналогію, паводле якой пашыць экасумку магчыма без швейнай машынкі ўсяго за тры гадзіны. Таму з нашага варкшопа сыходзяць не толькі з новенькімі стылёвымі аксэсуарамі, але і з унікальнымі ведамі, якія дазволяць шыць такія ж торбы направа і налева, дарыць іх сябрам і знаёмым і такім чынам – значна памяншаць выкарыстанне пластыкавых пакетаў.

Вось тут можна паглядзець, як праходзяць нашы майстар-класы: «Торба Шоу» на youtube
Продаж экаторб з другасных матэрыялаў
Мы цвёрда верым у прынцып «нуль адыходаў»: навошта набываць новую тканіну (і так стымуляваць шкодную вытворчасць), калі можна даць жыццё тым матэрыялам, якія ўжо шмат год ляжаць на антрэсолях! Менавіта таму мы ладзім прыём непатрэбнай тканіны: людзі прыносяць нам адрэзы матэрыялаў, старыя фіранкі ці абрусы, а мы ператвараем іх ў экаторбы, якія пасля прадаем.
Карпаратыўныя торбы
Прымаем карпаратыўныя замовы на выраб любой колькасці торб (напрыклад, для фестываляў ці канферэнцый).

Мы лічым важным тое, што:

  1. для пашыву выкарыстоўваюцца лакальныя матэрыялы, за кошт чаго скарачаецца адмоўны экалагічны след;
  2. торбы шыюцца на інклюзіўным беларускім прыдпрыемстве;
  3. мы прадумалі памер і форму, якія дазваляюць выкарыстоўваць торбы не толькі падчас канферэнцыі ці трэнінга, але і браць іх з сабой у краму пасля — а значыцца, замоўца адпачатку зробіць значны ўклад у экалагічнасць свайго мерапрыемства;
  4. дызайн малюнку распрацоўваецца такім чынам, каб ён уключаў у сябе ўсю неабходную інфармацыю пра кампанію або мерапрыемства, але пры гэтым выглядаў лаканічна, стылёва і інтэлігентна — так, каб з торбай хацелася хадзіць у паўсядзённым жыцці.
    «Торба Шоу» ў СМІ
    Рэпартаж з майстар-класа
    ад Надзеі Мархель
    (чэрвень 2017)
    Рэпартаж з майстар-класа
    ад Насты Захарэвіч (верасень 2017)
    Рубрыка «Гардэроб» з торба-камандай ад Сашы Савініч ды Паўла Хадзінскага
    Інтэрв'ю Каці Ажгірэй з торба-камандай
    Сюжэт Дар'і Бігун пра мінскія праекты па экатэматыцы
    Рэпартаж з майстар-класа
    ад Аліны Касель
    (красавік 2018)
    Артыкул пра майстар-клас у Брэсце ад Дар'і Антанюк
    (май 2018)
    Рэпартаж з майстар-класа
    ў Бабруйску
    (май 2018)
    Падрабязней пра Торба Шоу
    Чаму торбы гэта важна?
    Згодна са статыстыкай, мінчане ходзяць у супермаркет па прадукты ў сярэднім 2 разы на тыдзень. І нават калі трэба набыць усяго толькі літр малака або два яблыкі, часцей за ўсё пакупнікі сыходзяць не толькі з ежай, але і з пластыкавым пакетам.

    Пакеты бясплатна трапляюць да нас у супермаркетах, служаць прыкладна паўгадзіны, а потым адпраўляюцца на звалку, дзе ляжаць ад 200 да 1000 гадоў і атручваюць глебу ды грунтовыя воды.

    Больш за тое: пакеты трапляюць у рэкі, скверы, лясы; у іх блытаюцца і загінаюць рыбы, птушкі і жывёлы (у тым ліку і хатнія: напрыклад, сабакі).

    У нашай краіне прамысловая утылізацыя пластыкавых пакетаў не наладжана. Спальваць самастойна іх таксама нельга: у паветра трапляюць шкодныя рэчывы, якія спрыяюць развіццю захворванняў.

    На вытворчасць гэтай аднаразовай тары ідзе неўзнаўляльны рэсурс – нафта.
    Наша рашэнне
    Наша рашэнне – прапанаваць пакупнікам альтэрнатыву: шматразовыя тканевыя экасумкі.

    Экасумка – гэта адзіная адэкватная, зручная і прызнаная эколагамі альтэрнатыва: адна сумка здольная праслужыць мінімум два гады, а значыць, патэнцыйна не спатрэбіцца набываць каля 400 пакетаў.

    Як атрымаць экасумку ад Торба Шоу?

    1. Прыйсці да нас на бясплатны майстар-клас і пашыць торбу ўласнаруч.

    2. Набыць торбу з другасных матэрыялаў у адной з партнерскіх крам.

    3. Атрымаць карпаратыўную торбу на мерапрыемстве.
    https://www.facebook.com/torbashow/posts/2135593356710015Праект «Торба Шоу» існуе са снежня 2016 года.
    За гэты час мы:

          Наша каманда
          Каця Арчакова: тэхналагічная і вытворчая частка праекта.

          Саша Кульбіцкая: экалагічная і адукацыйная частка.




          Лістуйце:

          torbashow@gmail.com


          Тэлефануйце:

          +375 44 785-40-86 (Саша)
          +375 29 386-86-65 (Каця)
          All photo and video materials belong to their owners and are used for demonstration purposes only. Please do not use them in commercial projects.
          This site was made on Tilda — a website builder that helps to create a website without any code
          Create a website